ONS EINDIG 2DE IN DIE  SUPER 8 REEKS IN 2017

OP 24 AUG 2017 SING ONS SAAM MET JOE FOSTER BY LEWENDE WOORD CENTURION!! 

Ons Juniorkoor bestaan uit ± 90 lede.

Dit is ‘n gekeurde koor wat sover as moontlik suiwer moet sing. Daar word na alle Gr 1 tot Gr 3 leerders geluister. Die leerders met die suiwerste stemme en goeie musikale oor word dan gekies. Ons werk baie aan stembou en gehoor.

Soveel as moontlik musikale speletjies en lekker goedjies word tussen in met die outjies gedoen, sodat dit vir hulle lekker bly. Baie harde oefening vind hier plaas want daar word aan koor kompetisies deelgeneem en dit moet aan sekere vereistes voldoen.

Ons het ook ons eie opstapliedjies wat spesiaal vir ons koor geskryf is. Sover ons weet, is ons die enigste koor wat hierdie spesiale kenteken het.

Ons sing graag opgeruimde, lewendige, humoristiese liedjies.

Elke jaar in Februarie gaan ons op kooruitstappie waar ons dan ook wegspring met die eerste liedjies vir die jaar en ons sing, speel en lag die heeldag deur.

Koorafrigters woon jaarliks werkswinkels en kursusse by om te verseker ons staan nie terug  vir enige ander koor nie. 

Ons verwerf 'n A+ by die Centurion Kunstefees in 2017.